اب آپ لوگوں کو تجسس ہورہا ہوگا کہ آخر وہ کونسی ایک غلطی ہے جو اکثر و بیشتر لوگوں سے صرف وہی ایک غلطی ہوتی ہے چلیں باقی باتیں تو بعد میں ہوتی رہیں گی درست درود پاک پڑھنے اور غلطی کو بمعہ ترجمہ بیان کردیتی ہوں۔ درود ابراہیمی پڑھنے میں اس بی بی نے اور بعض اکثر لوگ جو غلطی کرتے ہیں ملاحظہ فرمائیں
اَللّٰهُمَّ صَلِّ عَلٰی مُـحَمَّدٍ وَّعَلٓی آلِ مُـحَمَّدٍ، کَمَا صَلَّيْتَ عَلَی إِبْرَاهِيْمَ وَعَلٰٓی آلِ إِبْرَاهِيْمَ، إِنَّکَ حَـمِيْدٌ مَّـجِيْدٌ
اے اللہ رحمت نازل فرما محمدؐ پر اور آل پر، محمدؐ کی جیسے رحمت نازل فرمائی آپ نے ابراہیم پر اور آل پر ابراہیم کی بے شک آپ تعریف اور بزرگی والے ہیں
جبکہ اکثر لوگ جلدی میں اس طرح پڑھ جاتے ہیں
اَللّٰهُمَّ صَلِّ عَلٓی مُـحَمَّدٍ وَّلَا اٰلِ مُـحَمَّدٍ، کَمَا صَلَّيْتَ عَلَی إِبْرَاهِيْمَ وَلَا اٰلِ إِبْرَاهِيْمَ، إِنَّکَ حَـمِيْدٌ مَّـجِيْدٌ۔ترجمہ:’’اے اللہ رحمت نازل فرما محمدؐ پر اور محمدؐ کی آل پر نہیں ، جیسے رحمت نازل فرمائی ابراہیم پر اور ابراہیم کی آل پر نہیںبے شک آپ تعریف اور بزرگی والے ہیں‘‘۔میرا خیال ہے کہ ان کے علاوہ اور بھی جتنے درود پاک ہیں ان میں بھی جہاں وَعَلٰی اٰلِ آتا ہے وہاں اس کی بجائے لوگ وَلَا اٰلِ پڑھتے ہوں گے۔ وَعَلٰی اٰلِ کی بجائے وَلَا اٰل بے شک ایک لفظ کی آپ کو چھوٹی سی غلطی معلوم ہو رہی ہوگی لیکن اس چھوٹے سے لفظ کے ہیرپھیر سے معنی و مطلب مفہوم بدل جائے تو پھر کیا فائدہ۔ بجائے ثواب کے گناہ کمانے کا ۔ مجھے یہ بھی معلوم ہے کہ لوگ یقیناً جان بوجھ کر ایسے نہیں پڑھتے ہوں گے لیکن ان کے علم میں نہیں ہے کہ اس طرح درود پاک کا معنی ہی بدل جاتا ہے کہ ہم اللہ کو کہہ رہے ہیں کہ اے اللہ نبی پاکﷺ پر درود و سلام بھیج اور ان کی آل اولاد اور اصحاب پر نہیں بھیج لَا کا مطلب تو آپ کو پتہ ہے ناں کہ نہیں ہے۔اب بتائیں کے وَعَلٰی اٰلِ اور وَلَا اٰلِ کا فرق محسوس ہوا کہ نہیں ۔ جو انسان اللہ کی مخلوق پر مہربان ہوتا ہے اللہ تعالیٰ اس پر مہربان ہوتا ہے اور یہ اللہ تعالیٰ کا حکم بھی ہے اور درود پاک تو واحد ایسی عبادت ہے جو کہ اللہ اور اس کے فرشتے بھی نبی پاکﷺ پر بھیج رہے ہیں تو پھر ہم کیوں کسی کو غلط پڑھنے دیں اور کیوں نہ اصلاح کریں۔ لہٰذا میں جب بھی کسی کو ایسے درود پاک غلط پڑھتے سنتی ہوں تو موقع مل جائے تو میں لوگوں کو بعد میں کہہ دیتی ہوں نہ ملے تو دل ہی دل میں نادم ہوتی رہتی ہوں۔ بحیثیت مسلمان کیا آپ بھی میرے ساتھ اس مہم میں شامل ہوں گے کہ لوگوں کو درود پاک پڑھتے ہوئے غور سے سنیں اگر وہ یہی غلطی کررہے ہیں تو ان کو چاہیے انتہائی ادب ‘ عاجزی اور محبت کے ساتھ انہیں بتائیں کہ وہ کتنی بڑی غلطی کررہے ہیں‘ ان کے سامنے درود شریف پڑھیں‘ انہیں معنی سمجھائیں ‘ پھر ان سے پڑھوائیں ‘ مجھے امید ہے کہ آپ میرا ساتھ دیں گے ‘ یہ بہت بڑا صدقہ جاریہ ہے‘ جب تک لوگ پڑھتےرہیں گے آپ اور آپ کی نسلوں کو ثواب عظیم ملتا رہے گا۔ اس عمل کی بدولت ان شاء اللہ رب کریم آپ کے دکھ درد دور فرمادے گا۔